Ағымдағы жылдың 3 қыркүйегінде Департамент басшысы Б.Исақов Түркістан қаласының ХҚКО-ның №1 бөлімінде, МХҚО мен Көші-қон қызметі орталығының мемлекеттік қызмет көрсету саласына қатысты атқарылып жатқан жұмыстарымен танысты.
Б.Исаков мемлекеттік қызметтерді алу сапасына аса назар аударып, ХҚКО-ның №1 бөлімінде туындаған кезек мәселесіне көңіл бөліп, азаматтардың ой-пікірлерін тыңдап, сұрақтарына жауап берді.
Кездесу барысында департамент басшысы «Цифрлық агент» мобильдік косымша туралы жадынамаларды қызмет алушыларға көрінетін жерлерге ілу қажеттілігін айтып, азаматтарға мемлекеттік қызметтерді электронды нұсқада көрсету мүмкіншілігіне баға берді.
«Өзін-өзі қызмет көрсету» бұрыштарындағы компьютер санын көбейту мәселесі де назардан тыс қалмады.
