ҚР Тәуелсіздігінің 30 жылдығына орай Шымкент қаласы Ішкі саясат және жастар істері жөніндегі басқармасының «Жастар ресурстық орталығы» КММ-сі Еңбекші ауданының ұйымдастыруымен «Саламатты ұрпақ» жобасы аясында жастар арасында футболдан турнир өтті.
Турнир Еңбекші ауданына қарасты Тоғыс тұрғын алабында өткізілді.
Іс-шараның мақсатты белсенді жастарға қолдау көрсетіп, спортқа баулу болатын.
Сонымен қатар ойын соңын қорытындылай келе белсенді деп танылған жастар алғыс хаттармен марапатталып, футболкалар тарту етілді.
Ел Президенті Қасым-Жомарт Тоқаев «Қазақстан жаңа шындықта: іс-қимыл уақыты» атты Қазақстан халқына Жолдауында бұқаралық спортты дамытудың маңыздылығын атап өткен болатын. Бұл бағытта Шымкент қаласында жүйелі жұмыстар қолға алынып, 2021 жылдың алғашқы жартыжылдығының қорытындысы бойынша дене шынықтырумен және бұқаралық спортпен қамтылған азаматтар саны 340 мыңнан асты. Бұл қала тұрғындарының жалпы санының 31,2 пайызын құрайды.
Айта кетейік, биыл Тәуелсіздіктің 30 жылдығына орай Шымкентте жастар арасында бұқаралық спортты дамыту мақсатында қала әкімдігінің қолдауымен «Шымкент жастар лигасы» спорттық сайысы ұйымдастырылды. 1 маусымда 4 спорт түрінен үздіктер марапатталып, жеңімпаз командалардың әрқайсысынаа 20 млн теңгеден қаржылай сыйлық тарту етілді.
