ОТАН ҚОРҒАУШЫЛАР КҮНІНЕ АРНАЛҒАН МЕРЕКЕЛІК КОНЦЕРТ ӨТТІ КОНЦЕРТ ӨТТІ
Бүгін Әл-Фараби алаңында 7 мамыр — Отан қорғаушылар күніне орай, «Ел қорғаны — ел қорғаған батырлар» атты мерекелік концерт өтті.
Мерекелік кеште Шымкент мәдениет үйінің өнерпаздары, 35748 Әскери бөлімінің «Барлау» ротасының өнерпаздары, 6506 әскери бөлімінің оркестрі, опера және балет театры, Сабыр Рахымов атындағы «Жас ұлан» мектебінің өнерпаздары, мектеп оқушылары қатысып, концертте өнерлерін көрсетті. Патриоттық әндер шырқалып, жиналған көпшілікке көтеріңкі рух, сонымен қатар қала тұрғындарына көтеріңкі көңіл-күй сыйлады.
Сонымен қатар, алаңға жиналғандар Шымкент Әскери гарнизонының әскери техникаларының көрмесін тамашалады.
— Бұл мереке жалпыхалықтық мереке деуге болады. Еліміздің тыныштығы мен бейбіт өмірінің күзетінде тұрған әскери қызметкерлер мен сарбаздардың Отан қорғаудағы үлесі орасан зор екені айтпаса да түсінікті. Шымкентте қазір барлық деңгейдегі әскери ардагерлер «Ауған соғысы», «Тәжік-Ауған қақтығысы», «Таулы Қарабах», «Чернобль апаты», «Семей- сынақ» полигонына қатысқан ардагерлер, Желтоқсан қатысушылары және еліміздің Қарулы күштері мен шекара қызметінің ардагерлері бір қоғамдық бірлестікке жұмыллырылып, жастарды Отанын қорғауға үгіттейтін, насихаттық іс-шараларды бірлесе атқарып келеміз. Олай болса, Ұлы даламыздың шебі бүтін, шекарасы берік болғай, – дейді отставкадағы полковник Серікбай Оңбаев.
«Шымкент келбеті»
