2024 жылдың қаңтар-шілде айларының қорытындысы бойынша қала экономикасына 324.7 млрд теңге тартылды. Көрсеткіш өткен жылдың тиісті кезеңімен салыстырғанда 14%-ға артты. Жыл соңына дейін 928,7 млрд теңге инвестиция тарту жоспарлануда, бұл көрсеткішті былтырғы жылмен салыстырғанда 28,1%-ға арттыру күтілуде. Жалпы алдағы 3 жылда 3,6 трлн теңге инвестиция тарту жоспарланып отыр. Мәселен, 2024 жылы – 928,7 млрд теңге, 2025 жылы – 1 194,8 млрд теңге, 2026 жылы – 1 493,5 млрд теңге.
Сонымен қатар, 2024-2028 жылдары жүзеге асырылатын жалпы құны 2,7 трлн теңгені құрайтын 29,4 мыңнан аса жаңа жұмыс орнымен 220 инвестициялық жобаның пулы жасақталған.Биыл жалпы құны 261,8 млрд теңгені құрайтын, 6336 жаңа жұмыс орнын құрумен 64 жобаның іске асырылуы жоспарлануда.
Сондай-ақ, қала аумағында жалпы аумағы 1 307 га құрайтын 7 өнеркәсіптік аймақ жұмыс істейді. Аймақтарда, бүгінгі таңға 230 млрд теңгені құрайтын 8 мың жаңа жұмыс орнымен 289 жоба іске асырылды.
Инвестиция тарту мақсатында қалада жалпы аумағы 1 660 га құрайтын логистикалық хаб құру мақсатында сауда-логистикалық орталығын қосымша 136 гектарға ұлғайту, ауыр металлургия саласындағы жобаларды іске асыруға «Темір» индустриялық аймағы (1076 га), жеңіл өнеркәсіп саласын одан әрі дамыту мақсатында «Оңтүстік» арнайы экономикалық аймағын 175 гектарға ұлғайту және дайын өндірістік алаңдар құру мақсатында 118 га аумаққа «Стандарт» жеке индустриялық аймақтары құрылуда.
Аталған аймақтарда инвестиция көлемі 1,5 трлн теңгені құрайтын 330 жоба 15 мың жұмыс орнын құрумен іске асырылатын болады. Бүгінгі таңда сауда-логистикалық аймағын кеңейту бойынша инженерлік инфрақұрылым құрылысы басталып, 2025 жылы толық аяқтау жоспарланып отыр. Ал, «Стандарт» жеке индустриялық аймағында шағын және орта кәсіпкерлер үшін дайын өндірістік алаңдарының құрылысы жүргізілуде. Өндірістік аймақтарда негізінен, өңдеу өнеркәсібінің жобалары орналастырылады.
Айта кету керек, Шымкент қаласына биылдың 9 айында 434,3 млрд теңге инвестиция тартылған. Бұл 2022 жылдың тиісті кезеңімен салыстырғанда 26,9 пайызға жоғары. Жыл соңына дейін қала экономикасына 721,7 млрд теңге инвестиция тарту жоспарланып. Бұл көрсеткіш те 2022 жылмен салыстырғанда 32 пайызға артқан еді. Еске сала кетейік, қала аумағында жалпы аумағы 869 гектарды құрайтын 5 өнеркәсіптік аймақ жұмыс істейді. Бүгінгі таңда 358 млрд теңге сомасына 337 жоба іске асырылған еді. 2023 жылы 216 млрд теңгені құрайтын 273 жоба іске қосылып, 8 мыңнан астам жаңа жұмыс орны құрылған еді.
