Жаман дерттің елімізде етек жайуына байланысты барлық өңірлерде медициналық бет пердеге сұраныстын артқаны белгілі. Осы орайда, Түлкібас ауданында медициналық бет перденің тапшылығын жоюға байланысты аудан әкімдігі тарапынан нақты шаралар қабылданып, нәтижелі жұмыстар атқарылды.
Нақты айтар болсақ, аудан әкімдігі ерікті тұрғындармен кәсіпкерлерді және білім ұяларындағы еңбек пәнінің мұғалімдеріне қажетті құрал саймандарын алып беру арқылы бет перделерді тігуді қолға алған болатын. Сол жұмыстың нәтижесін аудан тұрғындары көруде.
Бүгінде 112 мыңнан астам халқы бар ауданның 15 ауылдық округінің халық санына қарай 62 мыңнан астам медициналық бет перделер тегін таратылуда. Тарату жұмысына әкімдік қызметкерлері мен еріктілер жұмылдырылды.
Осылайша бір жеңнен қол, бір жағадан бас шығарған түлкібастықтар бірліктің арқасында бетперде тапшылығын шешіп отыр.
