Қазақстан мұсылмандары діни басқармасы 2019 жылғы Рамазан айындағы ораза кестесін жариялады. Ораза айы 6 мамырда басталатын болады.
«6 мамыр — Рамазан айының бірінші күні. Биыл 30 күн ауыз бекітеміз. Қасиетті Қадір түні — 31 мамырдан 1 маусымға қараған түн. Ал 5 маусым — ораза айттың бірінші күні. Рамазан айының басталуын нақты анықтау шариғи үкімдер мен астрономиялық есептер негізінде жүзеге асады. Алғашқы кезеңде мұсылмандар жаңа туған айды көзбен көретін», — деп жазды Қазақстан мұсылмандары діни басқармасының баспасөз хатшысы Ағабек Қонарбайұлы.
Төралқа Мәжілісі мүшелерінің бірауызды шешімімен биылғы пітір садақа мөлшері – 300 теңге.
Пітір садақаны Рамазан айының бірінші күнінен ораза айт намазына дейін беруге болады.