Шымкентте кәсіпкерлік саласындағы сыбайлас жемқорлықтың алдын алу мақсатында сауда орталықтарындағы кәсіпкерлермен кездесу өтті.
Кездесу барысында қатысушылар бизнесті қорғау және заңсыз араласуға жедел ден қою үшін құрылған мобильді топпен танысты.
Шағын бизнес өкілдеріне салық саласы мәселелері, жеке кәсіпкерлікті ашу және жабу, жарнамалық белгілердің ережелері, сондай-ақ декларация мен салық есептілігін тапсыру бойынша кеңес берілді.
Сонымен қатар, қатысушыларға бизнесті қорғау және кәсіпкерлікті қолдау бойынша Сыбайлас жемқорлыққа қарсы қызмет тарапынан жүргізіп жатқан жұмыстар туралы айтылды.
Мобильді топ мүшелері Департамент тарапынан жер учаскелерін бизнеске бөлу және олардың қолжетімділігі саласында, сондай-ақ бизнес объектілеріне инфрақұрылымды жеткізу мәселелері бойынша сыбайлас жемқорлық тәуекелдеріне сыртқы талдау жүргізіп жатқанынан хабардар етті.
Сонымен қатар, әр қатысушыны толғандыратын мәселелер туралы ашық сөйлесуге және талқылауға шақырды.
Іс-шара соңында бизнес субъектілері Департамент тарапынан әзірленген сауалнамаға жауап берді.
