Бүгін, Қазақстан Республикасы Парламенті Мәжілісінің депутаты Қайназаров Уалихан Анарбайұлы іс-сапара барысында арнайы Түлкібас ауданына ат басы бұрды, деп хабарлайды q-content ақпараттық порталының тілшісі, Түлкібас ауданының баспасөз қызметіне сілтеме жасай отырып.
Мәжіліс депутаты «Батыс Еуропа-Баыс Қытай» автодәлізінің бойындағы Шақпақ ауылдық округі аумағында соғылып жатқан жер асты өткелінің (тунель) жұмысымен танысып қайтты.
840 метрді құрайтын екі жақтамалы жер асты өткелінің бүгінгі таңда 65 пайызы аяқталған. Аталмыш нысан биылғы жылы аяқталуы керек болатын. Алайда, қазба жұмыстарын жүргізу барысында орын алған кедергілерге байланысты нысан құрылысы 2020 жылға өтбелі болып отыр.
Келесі кезекте Мәжіліс депутаты Шақпақ ауылдық округінде орналасқан «Кен-тау» ЖШС-нің жеміс-жидек сақтайтын қоймасына барып қайтты.
Бүгінгі таңда, «Кентау» ЖШС-ң барлық бау көлемі 210 гектар болса, оның ішінде қарқынды бау көлемі 160,0 гектарды құрайды.
Аталмыш шаруашылық серіктестік фуджи, голден делишес, айдалет, редделишес, семерянка сынды алма сұрттарынан өнім алады. Экологиялық тұрғыда таза Түлкібас алмасын соңғы замануи талаптарға сай соғылған, сыйымдылығы 2000 тоннаға дейін қауқарлы арнайы қоймада сақтап, қыс мезгілінде еліміздің әр өңірінің сауда орталықтарына өткізеді.
