Түркістан қаласының тұрғыны бір жасар баласын нотариус арқылы сатпақшы болған. Алайда заңгер құқық қорғау органдарына хабар берді.
Туған анасы сатып жібермекші болған бір жасар ұлды балалар үйіне жіберуге шешім қабылданды. Себебі екі аптаның ішінде туыстары табылмады.
Кішкентай бала пневмониямен екі апта бойы ауруханада жатты. Осы уақыттың ішінде жақын туыстары табылмады. Оны қалалық білім беру бөлімінің мамандары алып кетті.
«Баланы балалар үйіне орналастыру үшін арнайы қаулыны шығару қажет. Бірақ құжат мәселесі сәл созылып кетті. Сол себепті баланы енді ғана алып кетуге келдік. Оның туыстары бар ма, жоқ па, әлі де белгісіз. Бізбен байланысқа ешкім шыққан жоқ. Осыған байланысты оны балалар үйіне орналастыруға шешім қабылдадық», — дейді қалалық адам әлеуетін дамыту бөлімінің бас мамаы Жансая Орынбасарова.
Дәрігерлердің айтуынша, бала пневмониядан толығымен жазылып шықты.
1 маусымда Түркістанда бір жасар баласын 7 миллион теңгеге сатпақшы болған әйел туралы ақпарат тарады. Сол кезде келісімнің мән-жайы да жарияланған.
Полицияның мәліметіне сәйкес, қала тұрғыны туған ұлын нотариус арқылы сатып жібермекші болған. Алайда заңгер құқық қорғау органдарына хабар берді. Оны келісімге қол қою кезінде құрықтады.
Қылмыстық кодекстің 135-бабы, 2-тармағы (Кәмелетке толмағандар саудасы) бойынша сотқа дейінгі тергеу шаралары басталды. Оған сәйкес, 9-12 жылға бас бостандығынан айыру жазасы қарастырылған.
Полицейлердің айтуынша, әйел баласына дұрыс қараған жоқ. Дәрігерлердің тексерісі кезінде пневмония анықталды.
Айта берсек мәселе көп. Дегенмен осы жұмыстарды атқару барысында басқарма қызметкерлерінің кедергісіз жұмыс жасауына мүмкіндіктер жеткілікті болды деп толық айта алмаймын.
Әрине, жағдайымыз жоқ емес. Десек те халыққа сапалы қызмет ету барысында қызметкерлерге үнемі қолайлы жағдай жасап отыру қажет. Осы мақсатта жергілікті атқарушы органға өзіміздің ұсыныстарымызды жолдағанбыз және осы бағытта өз тарапымызда ізденіс үстіндеміз.
Ұсыныстар туралы айта кетейін. Учаскелік инспекторларының саны қала тұрғындарының санына шаққанда жеткіліксіз. Бұдан бөлек туристік полиция мен патрульдік қызметті жетілдіру барысында әлі де штаттық бірлік жетіспеушілігі байқалады. Сонымен бірге, қала аумағы 9 әкімшілік аймаққа бөлінген. Әр әкімшілік аймақтардың учаскелік полиция пункттері толыққанды күрделі жөндеу жұмыстарын, қосымша техникалық жабдықтар және жаңадан тірек пункттерін салуды қажет етеді. Осы секілді қала аумағында көпқабатты үйлер аулаларында, қаланың басты көшелеріне бейнебақылау камераларын орнату қажет. Бұның барлығы қала тұрғындарының қауіпсіз, жайлы өмір сүруі үшін жасалып жатқан ұсыныстар.
