Түркістан қалалық Хамза атындағы №2 жалпы орта мектебінде оқушылар мен жасөспірімдер арасындағы құқықбұзушылықтың, зорлық зомбылықтың, буллинг және кибербуллингтің алдын алу бойынша ата-аналар жиналысы болып өтті.
Маңызды мәселе аясында Түркістан қалалық прокуратурасының бөлім бастығы Жүсіпбай Мақсат Кенжеханұлы, Түркістан қалалық полиция басқармасының ювеналдық полиция тобының инспекторы, аға лейтенанты Шахаев Алмат Талғатұлы және мектеп инспекторы Г.Аметовалар тақырыптық түсіндірме жұмыстарын жүргізді.
Ата-аналарға жасөспірімдер арасында қылмыстық істердің көбею себептері: отбасындағы ақау тәрбие, отбасындағы материалдық әл-ауқаты, жұмыссыздық; баланың бос уақытының шамадан тыс мол болуы; ата-ана тарапынан бақылаусыз қалуы; мінез-құлықтың ауытқушылығы туралы түсіндірілді. Қазақстанда заң бойынша кәмелетке толмаған жасөспірімдерге түнгі сағат 22:00-ден кейін компьютерлік клубта отыруға, сағат 23:00-ден кейін ата-анасыз беймезгіл көшеде жүрмеуін, үйде болу керектігін айтты.
Мектеп директоры Д.Дийметова балалардың сапалы біліммен қатар саналы тәрбие алуы үшін ұстаздардан бөлек ата-ананың да орны мен рөлі айрықша екеніне тоқталды. «Ел болам десең, бесігіңді түзе» дегендей, дана халқымыз жеке тұлға болып қалыптасуда әрбір жасөспірімдер тәртібі мен тәрбиесіне мән беріп, бос уақытын тиімді пайдалана білсе, құқықбұзушылық пен қылмыстың алдын алуына көп септігін тигізері сөзсіз. Мектептің педагог-психологы С.Мирзаметова «Ата-ана алдындағы бала тәрбиесіне көңіл аудару» тақырыбында түсіндірме жұмыстар мен тренингтер өткізді. Тәрбие ісі жөніндегі орынбасары З.Гафурова мектептің ішкі тәртіп ережесімен таныстырды. Ұрпаққа тәлім-тәрбие беруде білім сапасын жақсарту жолында, мектеп, ата-ана және оқушы үштік одақ болып жұмыла белсенділік танытса, оң нәтижеге қол жеткізу аса қиынға соқпайды- деп өз сөзін қорытындылады.
Түркістан қаласы аумағында «Зорлық-зомбылықсыз 16 күн» акциясы басталды. Іс-шараның басты мақсаты- тұрмыстық зорлық- зомбылықтың алдын алу және қоғамда отбасының рөлін нығайту болып табылады. Естеріңізге сала кетсек, аталған іс-шара ағымдағы жылдың 25 қараша мен 10 желтоқсан аралығында өтеді.
Түркістан ҚПБ ЖПҚ әйелдерді зорлық-зомбылықтан қорғау тобының инспекторы полиция капитаны Аселхан Божикенова және Әлеуметтік психологиялық сүйемелдеу секторының психолог мамандары, заңгер Сапаров Жармұхамет Түркістан қаласында орналасқан Мағжан Жұмабаев жалпы орта мектебінде және медициналық колледжіндегі жастармен профилактикалық кездесулер өткзіді.
Кездесу еркін форматта өтіп, студенттермен сұрақ -жауап алмасты.
Аталған жиын тәрбиелік мәні жоғары тұрмыстық зорлық-зомбылық пен жасөспірімдер арасындағы ерте жүктіліктің алдын алу тақырыбы аясында өтті. Сондай-ақ түсіндірме жұмысы барысында ауыр қылмыстарға бейімділік танытпауға, отбасындағы туындаған кикілжіңдерге түсіністікпен қарап, ажырасуға, зорлық зомбылыққа дейін жеткізетін мәжбүрлікке бармауға кеңестер берілді, әйелдерге психологиялық және құқықтық көмек көрсетіледі.
