Түркістан облысы, Түлкібас ауданы, Састөбе кентінде «Спорт күні» мерекесіне орай жаңа спорт кешені халық игілігіне беріліп отыр, деп «q-content» ақпарат порталы Түлкібас ауданы әкімінің баспасөз қызметіне сілтеме жасап хабарлайды.
Жалпы, Састөбелік тұрғындардың спортқа деген жақындықтары тағы да жақындай түседі. Ауыл жастары жаңа оқу жылын жақсы жаңалықпен қарсы алатын болды. Оған себеп тамыз айының үшінші аптасы, яғни спорт күні мерекесіне орай кент орталығынан 240 адамға есептелген су жаңа спорт кешені пайдалануға берілеуі жоспарланып отыр.
Қаймаққа жаймақ болған мемлекеттік-жекеменшік әріптестік шеңберінде 454 миллион теңгеге салынған спорт орталығында бокс, дзюдо, үстел тенисі, баскетбол, еркін күрес және тағы да басқа сияқты спорт түрлерімен айналысуға мүмкіндік бар. Және де келушілердің ыңғайлылығы үшін киім ауыстыруға, душ қабылдауға арналған арнайы бөлмелер және бапкерлер мен медбикелерге арналған бөлмелермен де қамтамасыз етілген.
Қазіргі таңда, ауданда 4 мемлекеттік спорт мектептері және 1 спорт клубы халыққа қызмет көрсетеді. Оның ішінде, 1 облыстық, 3 аудандық балалар-жасөспірімдер спорт мектептері және 1 спорт клубы спорттың 16 түрінен 14 ауылдық округтердегі үш мыңға жуық жастарды қамтиды.
Қазақстан Республикасының Тұңғыш Президенті Н. Назарбаев Қазақстан халқының тұрақты түрде спортпен шұғылдануы 2020 жылға дейін 30 пайызға жеткізу керектігін айтқан болатын. Қазіргі таңда ауданда тұрақты түрде спортпен шұғылданушылар саны 29,6 пайызға жетті. Жыл соңына дейін аудан жастары мен тұрғындарын салауатты өмір салтын ұстанып, спортқа баулу арқылы аудандағы тұрақты спортпен шұғылданушылар саның 30 пайыздан асыру жоспарда тұр. Игі ғимараттар ауданарымызда пайдаға асып, көбейе берсін деген тілек!
