Еліміздің барлық облысы Арысқа көмекке келіп отыр. Азық-түліктер барлық өңірімізден жүк көлікермен жолға шықты. Арыстағы апаттан зардап шеккен арыстықтарға бүкіл қазақстандық қол ұшын созып, гуманитарлық көмек көрсетуде, деп жазады q-content.kz ақпараттық порталының тілшісі облыс әкімдігінің баспасөз қызметіне сілтеме жасай отырып.
«Түркістан» әлеуметтік даму корпоротивтік қорына Арыс халқына арнап 1 млрд. 200 мыңнан астам қаржы жиналы.
Сондай-ақ, Арыс қаласындағы гуманитарлық көмек қоймаларына онлайн веб-камералар орнатылмақ. Қоймадан тікелей көрсетілімді www.barlau.kz/company/tx/сайтынан көруге мүмкіндік бар.
Еске сала кетсек, Арыс қаласы мен қала маңында 8867 үй бар. Соның 6127 үйі жарылыстан зардап шеккен. 27 үй толықтай қайтадан салынады.
Қазіргі таңда, қоймаға 510 тонна тұрмыстық заттар, азық-түлік, киім-кешек өзге де заттар жиналса, соның 400-ден астамы гуманитарлық көмек ретінде халыққа таратылды.
Қазіргі таңда, Арыс қаласы 17 секторға бөлінген. Бұл секторлардағы жөндеу жұмыстарына республиканың 14 облысынан және Нұр-Сұлтан, Алматы, Шымкент қалаларынан 170 арнайы бригада келіп, 1194 құрылысшы іске кірісті. Олар тұрғын үйлерді бағалау жұмыстарын жүргізіп, 435 үйге жөндеу жұмыстары жалғасуда.
