Passport Index рейтингінде Қазақстан қонақжай елдердің қатарында 54-ші орынға көтерілді.
Рейтинг бойынша Орталық Азия елдерінің ішінде Тәжікстан 49-шы орында (ел 87 елдің азаматтарына визасыз келуге ашық), Қырғызстан 53-ші орында (80 елдің азаматтарына визасыз келуге ашық).
Көшбасшылар қатарына бірден 22 ел жайғасты. Олардың көпшілігі Африка континентінде орналасқан (Нигерия, Эфиопия, Габон, Руанда, Джибути және т.б.). Мальдив, Камбоджа және Комор аралдары да бірінші орындарды иеленді. 198 елдің азаматтары осы елдердің әрқайсысына визасыз бара алады.
Бұл рейтингте Солтүстік Корея, Түркіменстан және Ауғанстан ең төменгі орындарға жайғасты. Себебі бұл елдер визасыз кіруді қамтамасыз етпейді.
