Шымкент қаласында 2 236 көпқабатты тұрғын үй болса, оның ішінде 1 823 үйге жаңа басқару жүйесіне көшкен.
Бүгінде шаһардағы тұрғын үйлердегі кондаминиум объектілерінің басқару нысанын құруға тиіс үйлер 100 пайыз қамтылған.
Реформа ҚР Индустрия және инфрақұрылымдық даму министрлігінің «EASY project» бағдарламасы арқылы іске асуда. Қазіргі таңда кондоминиум объектілерін басқару нысандарын таңдау бойынша жергілікті органдармен атқарылған жұмыстар туралы тиісті мәліметтер аталған бағдарламаға енгізілуде.
Қазіргі таңда көпқабатты тұрғын үйлерді басқару жөніндегі тетігін жақсарту мақсатында заң жобасы әзірленіп Парламенті Сенатында мақұлданды.
Ұсынылғын заң жобасында қарапайым серіктестік құру кезінде пәтерлер саны 30-ға дейін шектеледі. Осыған байланысты басқарудың жаңа нысаны – тікелей бірлескен басқару ұсынылып отыр. Бұл форма 16-ға дейінгі пәтерлері бар үйлер үшін қаралған.
Сонымен қатар, заңда жергілікті әкімдіктердің тұрғын үй басқармасына тұрғындар арасында басқару нысанын таңдау туралы келісімге қол жеткізілмеген немесе олардың ауысуға дайын болмаған жағдайда, уақытша басқаратын компанияны айқындап беру туралы норма енгізілді.
Бюджет қаражаты есебінен көппәтерлі тұрғын үйдің кіреберістерінің бірінің лифтін ауыстыру мен жөндеуді ұйымдастыру және қаржыландыру тетігі заңнамамен бекітіледі. Бұл ретте пәтерлер мен тұрғын емес үй-жайлардың меншік иелерінің бюджет қаражатын қайтаруы көзделеді. Сондай-ақ, кондоминиум объектісінің ортақ мүлкін жеке меншікке шығаруға тыйым салынды.
