Мемлекет басшысы 1 желтоқсанда қол қойған «2023-2025 жылдарға арналған республикалық бюджет туралы» заңда ең төменгі жалақы, АЕК және басқа да есептік көрсеткіштер белгіленген, деп жазады zakon.kz.
Осылайша, 2023 жылғы 1 қаңтардан бастап:
- ең төменгі жалақы 70 000 теңге;
- мемлекеттік базалық зейнетақы төлемінің ең төменгі мөлшері – 24 341 теңге;
- ең төменгі зейнетақы – 53 076 теңге;
- айлық есептік көрсеткіш – 3450 теңге;
- базалық әлеуметтік төлемдердің мөлшерін есептеу үшін ең төменгі күнкөріс деңгейі 40 567 теңгені құрайды.
Сондай-ақ жасына байланысты зейнетақы төлемдеріне және көп еңбек сіңіргені үшін зейнетақы төлемдеріне бөлінетін қаражат олардың мөлшерін 10,5%-ға ұлғайта отырып қарастырылғаны анықталды.
Әлеуметтік медициналық сақтандыру қорына төленуге жататын міндетті әлеуметтік медициналық сақтандыру бойынша мемлекет жарналарының мөлшері мемлекеттік аударымдарды есептеу объектісінің 1,8%-ын құрайды.
Әскери қызметшілерге (әскери қызметшілерді қоспағанда) және арнаулы мемлекеттік және құқық қорғау органдарының, мемлекеттік фельдъегерлік қызмет қызметкерлеріне тұрғын үйді ұстауға және коммуналдық төлемдерді төлеуге арналған ақшалай өтемақының ай сайынғы мөлшері 3 739 теңгені құрайды.
