«Қазіргі таңда әлеуметтік желінің қоғамда рөлі өте үлкен. Сол үшін мен Фейсбук әлеуметтік желісінде өзімнің «Қоғамдық қабылдау парақшамды» ашқан болатынмын. Тұрғындардан түскен арыз-шағымдарды сол жерден оқып, тиісті аудан, қала әкімдеріне жолдап отырамын. Аудан әкімдері де осы тектес қоғамдық қабылдау парақшаларын ашуы керек.
Алайда, жауаптар нақты әрі уақытында келмейді. Бұл орайда, облыс әкімінің аппаратына жауапты дер кезінде алдыруды тапсырамын. Сондай-ақ менің орынбасарларым айына 1 рет, аудан, қала әкімдері, басқармалар басшылары аптасына 1 рет халықпен кездесу үшін диалогтық алаңға келуін тапсырамын. Мен өзім де қатысып отырамын». Өмірзақ Шөкеев.
