Шымкент қаласында БАҚ өкілдерінің қатысуымен коронавирус пандемиясының алдын алу шаралары аясында кезекті рет қоғамдық көліктерге санитарлық тазалау жұмыстары жаппай жүріп жатыр.
– Қала бойынша 76 бағытта қоғамдық көліктер қатынайды. Кестеге сәйкес, күнделікті шығатын 1100 график болса, бүгін соның 858-інің әрбірі орташа 5 айналым жасады. Мәселен, соңғы аялдамалардың бірі – «Темір жол вокзалы» аялдамасында №92, 142, 145, 150 тб автобустары дезинфекцияланды. Мұнда әр айналым сайын Көлік компанияларының арнайы киім киген мамандарымен дезинфекциялық құралдары арқылы көліктің іші-сыртын жуу жұмыстары жасалынуда, – деді Шымкент қаласы жолаушылар көлігі және автокөлік жолдары басқармасы Қоғамдық көлік бөлімінің басшысы Н. Сүгірәлиев.
Айта кетсек, мұндай дезинфекциялық жұмыстар күнделікті ережеге сай атқарылады және тиісті басқармалардың бақылауында болады.
